La Roseraie-ko eraikina 1927 eta 1928 bitartean eraiki zen Joseph Hiriart arkitektoaren eskutik eta 1928ko abuztuaren 14an inauguratu zen. La Roseraie euskal kostaldeko Art Déco estiloko eraikinik politena izendatu zuten.
Hotelak bost solairu zituen, beheko solairuaz gain, eta 150 luxuzko logela zabal zituen. Gainera, jatetxe panoramikoa, taberna, edertasun institutua, tenis pista, golf zelai txikia eta kasino txiki bat zeuzkan.
1929ko krisialdi ekonomikoak hotel eder hau hondatu zuen eta ateak itxi behar izan zituen. Geroago, Euzkadiko Jaurlaritzak ospitale bezala egokitu zuen bere gudari zaurituak, gerra-elbarriak eta Iparraldean errefuxiatutako biztanleria hartzeko.
1 orrialdetatik 1.a, 17 elementutatik 1.etik 17.era